ISANG MUKHA NG PAG IBIG
Ni Rhea Hernandez
Pinoy poems
Wala pang muwang sa mundo mag katagpo
Sa bugso ng damdamin hindi matanto
Nag patangay sa matamis na pagsuyo
Agos ng pag ibig sadyang
balatkayo
Tanong ano ba ang mukha ng pag ibig
Sadya bang ito’y tunay na makamandag
Nadarama hindi maipaliwanag
Kahit ang kinabukasan mawiwindang
Buong pag katao nagulo nalito
Dahil sa maagang pagsuyo natamo
Kay ilap ng pangarap na paraiso
Pagmamahal ng bawat puso nagbago
Puede lang ibalik ang nakaraan
Hindi hahayaan ang nararamdaman
Para hindi masaktan ang kalooban
Araw’t gabi kaulayaw kalungkutan
Masayang buhay napalitan ng
lungkot
Ang tuwa at saya ngayon isang kirot
Matamis na pagsuyo ito’y nawaglit
Pag daloy ng mga luha siyang pumalit
Kung maibabalik lang ang nakaraan
Hindi nakatanaw ngayon sa karimlan
Kadiliman kasama ang kalungkutan
Maagang pag ibig dulot kasawian
Paano ba madarama ang ligaya
Nalimutan naba ang maging Masaya
Bakit tinangay ng pighati ang tuwa
Kaulayaw sa tuwina ang pag luha
kailangan bang lingunin ang kahapon
para makamit ang ligaya sa ngayon
ito na ba ang tamang pagkakataon
mga kasawian sa buhay ay ibaon
ni Rhea Hernandez 10/7/2013
No comments:
Post a Comment