LOVE STORY "KHATIE"

LOVE STORY “KHATIE”

Ni Rhea Hernandez

Pinoy poems

www.tulawento.blogspot.com

              kaya aga umibig sa edad  desi siete nag asawa. Akala niya basta gusto mo mahal mo na. dahil bata pa basta guapo at gusto puede ng mag pakasal. Walang pakialam sa kahahantungan. Buong akala mabubuhay na sila sa kanilang pag mamahalan. Kahit anong pigil ng kanyang mga magulang sumigi pa rin siya. Nag tanan sila dahil mahal daw nila ang isa’t isa. Ganoon na lang ang galit ng kanyang ina’t ama. Pero wala din silang nagawa kundi ipakasal sila ni  Lowie. Sabi ng kanyang ina pinasok mo yan pangatawanan mo. Pero hindi naming hahayaan na mag sama kayo ng walang basbas sa simbahan. Mag sama kayo ng legal na mag asawa. Ito ang salitang binitawan ng kanyang mga magulang. Khatie sa umpisa palang alam mo na ang pinasok mo ay di birong relasyon. Kaya pangatawanan mo ito kahit anong mangyari. Ang paalala ng kanyang ina . Huwag kayong mag alala mahal na mahal ko si Lowie. Siya ang buhay ko ngayon. Ayy naku  Khatie sana ganyan pa rin ang isagot mo sa akin pag dumating ang mga pagsubok sa ngalang ng mag asawa. Isang kibit  balikat na lang ang tugon ni Khatie sa mga litanya  ng kanyang ina.

               Anong saya ni Khatie nasunod ang gusto niya. Ang buo niyang akala mahal na mahal siya ni Lowie. At ganoon din siya parang hindi siya mabubuhay ng malayo kay Lowie. Maling mali ang kanyang ina na ang sabi pag sisihan niya ang maagang pag aasawa. Pero eto siya ngayon ang saya saya nila ni Lowie. Bawat sandali tigib ng saya at tuwa. Ilang buwan ba silang ganoon sabi nga ng nanay niya ang sweet ninyo baka kayo langgamin . pero di nag laon dinala ni Khatie ang kanilang unang supling. Noong malaman na buntis siya anong tuwa ni Lowie. Totoo ba Khatie magiging tatay na ako? Ang kulit mo talaga ano ilang beses ko bang sasabihin ko sa iyo ?  Sabay yakap kay Lowie. Palalakihin natin ang ating anak ng busog sa pag mamahal tulad natin. Papatunayan natin sa kanila na mali lahat ang kanilang mga sinabi sa atin. Sana kasing  ganda mo ang magiging anak natin pag babae at kasing guapo mo naman pag lalaki ang dugtong ni Khatie sa sinabi ni Lowie. Makikita mo ang sweet ng pag sasama ng dalawa sa mga sandaling yaon.

               Habang lumalaki ang kanyang tiyan unti unting nag bago si Lowie. Wala na ang maganda niyang korte. Ang laki laki ng kanyang tiyan. Madalas tamad pa siyang maligo at mag suklay ng buhok. Ewan ba niya bakit siya ganito. Malaki na ang tiyan niya noon lang siya nag lilihi yata. Noong mga unang buwan naman ng kanyang pag bubuntis pinag tatanong niya paano ba ang mag lihi. Pero ngayon eto siya kung kailan malaki na ang tiyan saka siya nag lilihi. Na siyang ikinawalang gana ni Lowie sa kanya. Mag ayos ayos kanga ang losyang losyang mo na. nakakakita naman ako ng buntis di naman tulad mo. Ano naman ang magagawa ko para akong mag kakasakit tuwing na babasa ako ng tubig. Ayy naku Khatie daig  mo pa ang pusa di naliligo. Hindi ka na nga naliligo di ka pa rin man lang mag suklay. Nakikita mo pa ba ang sarili mo sa salamin. Wala na yong Khatie na minahal ko noon. Nakakawalang gana ka namang tignan. Di huwag mong tignan. Ang sagot ni Khatie kay Lowie. Sabay tulo ng kanyang mga luha noong tumalikod na si Lowie. Noong lumaon madalas na silang mag away ni Lowie. Na siya naman niyang dinamdam ng husto.

               Natutong bumarkada si Lowie at uminom. Hindi na yata sanay umuwi ng bahay ng di lasing. At si Khatie hindi na rin niyang mapigilan ang mag bunganga. Pumapasok palang sa pintuan si Lowie sinasalubong na niya ito ng mura. Hoy! Lalaki buti alam mo pa ang daan papauwi dito sa atin? Hayaan mo kakalimutan ko na rin ang umuwi ang reply naman ni Lowie. Pag tulad mo naman ang uuwian ko ayy naku buti pa nga dina lang ako umuwi. Daig  pa armilite yang bunganga mo kung umarangkada nakakatulig. Sakit sa tainga. Walang araw na yata na di sila nag aaway na mag asawa. Araw at gabi ang pag tulo ng luha ang lagi niyang kaulayaw. Ngayon niya naiisip ang sinabi ng kanyang ina  na di biro ang buhay mag asawa. Lalu na kung hindi ka pa handa sa pag papamilya. Kahit mag sisi siya sa pag suway sa kanyang mga magulang wala na siyang magawa. Kundi pag tiisan ang pinili niyang buhay. Sabi nga ng kanyang ina ikaw ang gumusto niyan pag tiisan mo.

               Hanggang isilang niya ana una nilang anak. Kasabay ng mabalitaan niya na mayroon ibang babae si Lowie. Kay daling nakakita ito ng kanyang kapalit. Noong una hindi siya makapaniwala. Ang alam niya mahal siya nito. Hindi niya kayang ipag palit siya sa iba. Ngayon nanganak na siya babalik na ulit sa dati ang katawan niya at muli siyang mag aayos sa kanyang sarili. Tapos na ang kanyang pag lilihi. Pero bakit ganoon kay dali niyang makalimot sa kanilang pag mamahalan. Ganoon lang ba kababaw ang pag mamahal ni Lowie sa kanya. Ang buo niyang akala nag lilibang lang ito kasi di niya maibigay ang kanyang pangangailangan bilang lalaki. Sapagkat buntis siya sa kanilang anak.

               Dapat naunawaan ni Lowie ang kanyang situation. O sadya lang di siya tunay na mahal nito. Ang kanyang katawan lang ba ang ginusto nito. Ang kanyang kabataan at kagandahan. Noong pumangit na siya sa kanyang paningin kay dali siyang ikuha ng kapalit. Ilang balding luha ang inubos ni Khatie sa pag iyak dahil sa pag luluko ni Lowie. Hanggang tuluyan na silang iwanan nito. Hindi naba natin maaayos ang ating pag sasama ang tanong ni Khatie kay Lowie. Habang nag iimpake ng mga damit niya.patawarin mo ako Khatie hindi na ikaw ang itinitibok ng aking puso. Hindi na kita mahal siya na ang mahal ko ngayon. Daig pang sinalpal ng mag kabilang pisngi niya.  Nakisama na si Lowie sa bago niyang minamahal. Kaya naman napilitan bumalik sa kanyang mga magulang si Khatie. Humingi ng tawad sa kanyang mga magulang sa maaga niyang pag aasawa. Walang magawa ang kanyang mga magulang kundi muli siyang tanggapin kasama ang kanyang  anak.

               Problema niya kung paano niyang bubuhayin mag isa ang kanilang anak. Hindi naman puede yon habang buhay siyang umasa sa kanyang mga magulang. Nahihiya na siya na may asawa na siya sa kanila pa siya nakasandig.  Ang walang hiya niyang asawa ang may kasalan ng lahat ng ito. Dahil sa kanyang anak kaya kay aga naging matured si Khatie. Kinakailangan buhayin niyang mag isa ang kanilang anak. Kaya naman nag hanap siya ng mapapasukan. Anu nga ba ang mapapasukan ng isang high  school graduate lang. kung naging masunurin lang siyang anak di sin sana hanggang ngayon studyante pa siya sa isang kolehiyo. Kung hindi sana siya nag padala sa bugso ng damdamin di sin sana wala siyang ganitong kalaking problema. Kahit kailan wala sa una ang pag sisisi. Sino nga ba ang dapat sisihin kundi ang puso niyang kay agang umibig sa maling lalaki.

               Panay hanap ng mapapasukan wala siyang makita kahit ano. Kay hirap talagang mag hanap ng trabaho ngayon. Isang araw  nakita ni Khatie may kausap ang kanyang ina. Dati nilang kapitbahay pero ngayon lumipat na sa isang malaking bahay.  Kay tagal nitong nawala sa kanilang lugar yon pala namasukan DH sa Hongkong. At nabangit nito ang kaniyang amo nag hahanap pa ng isang DH kasi umalis na for good yong isa niyang kasamahan. Kaya naman kaagad  tinanong niya ito kung puede siya na lang ang kunin. Sanay ka bang mahirapan kakayanin mo bang maging isang kasambahay sa ibang bansa. Mukhang kay bata mo pa ineng ang sagot nito sa kanya.  Huwag po kayong mag alala kakayanin ko po alang alang sa aking anak. Lahat aking gagawin para lang mabigyan siya ng magandang kinabukasan. Ang matatas na sagot ni Khatie sa kaibigan ng kanyang ina.

                  Kilala naman ito ang kanyang ina kaya naman pumayag na siya na lang ang isama sa kanyang pag babalik sa Hongkong. Inayos niya ang kanyang mga papeles na kakailanganin para makapag trabaho siya sa Hongkong. Sadyang hindi madali ang pinasukan niyang trabaho. Pero kinakaya niya. Sa tulong ng kaibigan ng kanyang ina. Iniwan niya ang kanyang anak sa pag aaruga ng kanyang mga magulang.  Unang mga araw , buwan parang hindi niya kakayanin ang inip niya sa kanyang anak. Hirap na ang katawan mo sa trabaho. Hirap pa ang isip mo sa kakaisip sa iniwan niyang anak . homesick ang pinakamahigpit niyang kalaban sa mga sandaling yaon. Wala siyang dalangin sana malampasan niya kung ano ang kanyang nadaramang sakit at pag kainip sa anak at mag magulang niya.

               Kay tuling lumipas  ng mga araw at buwan. Ang kontrata niyang 2years natapos din. Mayroon siyang isang buwang bakasyon with pay kaya naman sinamantala niya ito upang Makita niya ang bugtong na anak. Mag tatatlong taon na ito ngayon. Kilala pa kaya siya ng kanyang anak. Alam niya hinuhubog sa magandang asal ng kanyang ina ang kanyang anak. Hindi siya nag tataka noong umuwi siya kilala siya ng kanyang anak. Halos hindi ito bumibitiw sa kanya noong  dumating siya. Sabik na sabik siya sa baby niya. Na halos sanggol pa lang noong kanyang iwan ito ngayon malapit na itong mag aral. Kaya kakailanganin niyang muling lumayo para sa magandang kinabukasan nito. Sa murang isipan ng anak itinanim niya na kailangan niyang lumayo para sa kinabukasan nito. Anak huwag ka sanang magagalit sa akin kung di man kita naaalagaan ng personal. Sa murang edad ng kanyang anak akala mo naiintindihan ang kanyang sinasabi. Mag papakabait ka sa lola mo pag wala ako. Huwag mo siyang bibigyan ng sakit ng ulo tulad ng ginawa ko sa kanya noon.  Sana  sa pag laki mo huwag mong tutularan ang ginawa ko. Sana maging iba ang kapalaran mo kaysa akin. Dahil bata pa ito hindi naiintindihan ang mga sinasabi niya pero parang may isip ang kanyang anak nakatingin sa kanyang mag mata at parang naiintindihan ang kanyang mga tinuran.

               Lumipas ang maraming taon . Dahil matagal na siya sa Hongkong nagagawa na niyang umuwi at dalawin ang kanyang anak kada anim na buwan. Umuuwi lang siya pag di peak season para mura lang ang kanyang pamasahe. Naiintindihan naman ng kanyang anak kung bakit di siya umuuwi pag may okasyon tulad ng pasko , bagong taon at iba pa. pero kung may emergency nakakauwi siya. Tulad noong nag kasakit ang kanyang ama. Malapit lang naman kahit ilang araw lang siya umuwi ginagawa niya. Kay tulin ng mga taon hindi niya lubos maisip na  mayroon na siyang anak na gragraduate sa college. Ang pangarap na hindi niya natupad ang kanyang anak ang tumupad nito. Isipin mag 20 na pala sa susunod na birthday ang kanyang dalaga. Ibig sabihin mag 37 na siya sa susunod niyang birthday. Tuwing makikita niya ang kanyang anak hindi siya nag sisi kung bakit siya na in love ng maaga.  Kung maraming kasawian siyang natikman sa pag aasawa pero pag nayayakap at nakikita niya masaya ang kanyang dalagang anak nawawala lahat ng pagod at lungkot sa puso niya.

               Minsan pinag tutulakan na siya ng kanyang anak na mag asawa ulit. Baka sa second time around matagpuan na niya ang Gloria. Mama , ngayon mag tatapos na ako sa aking pag aaral puede ka ng mag hanap ng bagong mamahalin. Huwag mong sayangin ang iyong kabataan. Sapat na yong mga sakripisyo mo ginawa para mapag aral ako. Anak ikaw ang aking kaligayahan. Ano pa ba ang hahanapin ko. Kahit hindi kita nasubaybayan sa iyong pag laki  eto ka isang matino at mapag mahal na anak. At tinupad mo ang aking pangarap na makapag tapos ka ng pag aaral na di nag aasawa. Isang malutong na tawa ang pinakawalan ng kanyang anak. Kasi mama hindi ko pa nakikita ang lalaking aking mamahalin. Ipangako mo mama muli kang mag mamahal . Pag dumating ang tamang panahon at tamang lalaki  muli akong mag aasawa ang lagi niyang sagot sa anak. Saan nga ba siya makakakita ng lalaking mag mamahal sa kanya kung wala naman siyang time para sa kanyang sarili. Subsob ang kanyang ulo sa trabaho para mabigyan niya ng magandang kinabukasan ang nag iisa niyang anak. Pero ang lalaking mag mamahal pala sa iyo ay hindi hinahanap . kundi kusa itong lumalapit sa iyo.

               Minsan sa kanyang pag uwi mayroon siyang nakasakay na isang African American noong una di niya pinapansin ito. Pero panay tingin sa kanya. Hanggang hindi na rin makatiis itinanong ang kanyang pangalan. Kahit dugo ilong sa pag English wala paki si Khatie. Masarap kausap ito may sense of humor ika nga. 1^st time lang daw niya dito sa Pilipinas kaya  samahan niyang mamasyal bilang isang tourist guide. Babayaran naman daw siya kada lakad. Ayaw lang niyang masayang ang kanyang pag babakasyon. Total isang buwan lang naman siya dito at kailangan na uli siyang bumalik sa America. Sabi ni Khatie tamang tama lang sa kanyang bakasyon.  Makakalibot siya ng libre may bayad pa. kaya naman bago sila mag hiwalay nag palitan sila ng mga phone number at email .

                Ang buong akala ni Khatie nag bibiro lang ito. Kaya naman hindi niya binigyan ng panahon. Pero kinabukasan mayroon tumatawag sa cell phone niya  laking gulat niya si Steve ang African American nakilala niya sa airplane. Gusto daw nito pumunta sa Boracay puede daw ba siya. Hindi pa niyang kilala ito sasamahan na niya agad sa Boracay  kaya naman nag isip siya paano malulusutan. Kaya sabi niya balak niyang ipasyal ang kanyang anak at ina kaya di siya puede. Pero ang sabi bakit di mo na lang sila isama sa Boracay para mas masaya tayo. Walang problema sagot ko lahat ang gastos ang sabi ni Steve. Wow galante ang negrong ito ang bulong ni Khatie. Hindi masama sumama kasama naman niya ang anak niya at ina. Halos one week sila doon isinulit nila ang bakasyon libre .

                 Habang nag babakasyon sila panay tukso sa kanya ng kanyang ina at anak. Halata daw na may gusto sa kanya ang kanong itim na kasama nila. Mukha naman daw matino may sariling construction company. At hindi naman nag kakalayo ang kanilang edad. 45 years old palang ito  tapos siya 37 tamang tama lang daw sabi ng kanyang ina. At mag kakaroon pa siya ng pag kakataong makapunta sa America. At puede din niyang kunin ang kanyang anak para sa magandang kinabukasan. Sa mga tinuran ng kanyang ina napapaisip siya. Paano kung sadya lang mabait si Steve at wala namang talagang gusto sa kanya ito. At saka natatakot siyang mag mahal ulit. At isa pa legal ang kasal niya kay Lowie papaano siya mag aasawa kung saka sakali. Anak sana mo na problemahin ang dati mong katayuan . magagawan ng paraan ang mga iyon may annulment naman dito sa atin. Kung talagang mamahalin ka ni Steve gagastusan niya ang annulment mo. Yon nga ang tanong doon mahal kong ina. Kung mahal nga ba ako ng itim na ito. Sabay nag tawanan ang mag iina. Oo pala siguraduhin mo muna na mahal ka niya bago tayo mag isip ng kung ano ano. Mama sa tingin ko naman masama ang tama niya sa iyo. Kung hindi bakit niya tayo isinama sa kanyang pag babakasyon dito. O baka naman kinikilala  ka pa niya kung isa kang mabuting babae na puedeng ipag malaking asawa pag dating ng panahon. Ay naku anak ewan ko hindi ko kayang sagutin yan sa ngayon. Tangin si Steve lang ang nakakaalam kung ano talaga ang nasa kanyang isip. Sa ngayon ienjoy na lang natin itong ating libreng bakasyon.

                    Natapos ang isang buwang bakasyon walang binangit si Steve tungkol sa pag ibig. Kaya inisip na lang niya na sadya lang mabait yong tao kaya naging malapit sa kanya. Noong bumalik siya sa trabaho nawala na sa isip niya si Steve. Pero noong mag check siya ng email niya kay dami napala itong email sa kanya. Nag papasalamat sa time na ibinigay niya kay Steve. Habang buhay daw niya I treasure ang bawat sandali mag kasama sila. Sa lahat ng kanyang mga bakasyon ito ang pinakamasaya siya , kasi kasama kita Khatie ang sabi ni Steve. Hindi mo alam kung gaano mo ako pinaligaya sa mga araw na mag kasama tayo. Ni minsan di ko pa naramdaman ang ganitong feeling kanino man. Ako man nag tataka sa aking sarili kung bakit ang gaang ng aking pakiramdam pag kasama kita, Khatie. Nangingiti si Khatie sa mga palipad hangin ni Steve sa kanya sa pamamagitan ng email msg. hindi niya akalain romantiko pala ito.

               Habang binabasa ni Khatie ang mga  email ni Steve hindi niya maiwasang kiligin. Ilang taon o dekada naba last niyang kiliging ng ganito. Nahulog na rin ba ang loob niya sa lalaking ito. Ni minsan di niya naisip na mapapalapit siya sa isang itim. Sa totoo lang walang dating sa kanya ang mga lalaking itim. Ni minsan di niya naisip na ma in love siya sa isang African American. Pero eto siya ngayon kinikilig sa sulat palang sa kanya sa email. Sabagay sadyang kay bait ni Steve. Ang pag aasikaso at pag aalala ni minsan di niya naramdaman sa kanyang asawa. Kahit noon kay Lowie hindi ganito ang naramdaman niya. Sabagay noon dala ng kabataan mapusok . pero ngayon matured iba na ang panuntunan ano nga ba ang tunay na nakakapag pakilig sa isang babae.

                Halos araw araw nag papadala ng email si Steve at paminsan minsan tumatawag pag di siya busy sa kanyang construction company. Kay tuling lumipas ang mag araw. Matatapos na pala ang isang taon at muli siyang mag babakasyon sa pinas kahit isang buwan lang. Saka na lang siya muling babalik sa Hongkong.  Gusto ni Steve sabayan siya sa kanyang bakasyon. Aayusin niya lahat at dapat ayusin sa kanyang company at sasabay siya sa pag babakasyon ni Khatie. Gustong gusto na niyang makita muli ang babae kanyang minamahal. Na sa unang pag tatama palang ng kanilang mga mata noong mag kasabay sila sa airplane alam na ni Steve na si Khatie ang matagal na niyang hinahanap. Kung kaya hanggang ngayon binata  siya. Nag tataka man si Steve mag iisang taon na siyang lumiligaw dito di pa siya sinasagot pero alam naman niya na may pag tingin din ito sa kanya.

                  Hindi alam ni Steve natatakot si Khatie na mag mahal muli. At isa pa kasal siya kay Lowie at hindi pa ito annul. Kaya bantulot siyang sagutin ito. Hindi niya alam kung kayang tanggapin ni Steve ang katotohanan. Kaya ang binabalak niya. Ipag tapat na niya ang katotohanan. Para dina siya umaasa na may kakapuntahan ang kanilang pag mamahalan. Kaya naman sa muli nilang pag kikita hindi na nag dalawang isip si Khatie na bastedin si Steve. Kaya naman gulat na gulat si Steve kung bakit ganoon ang desisyon nito. Alam naman niya at ramdam niya na mahal siya nito. Kaya naman naging makulit si Steve bakit iyon ang kasagutan niya. Sinabi ni Khatie wala namang kakapuntahan ang kanilang pag iibigan. Sapagkat hindi naman sila makakasal kasi nga kasal sila ng dati niyang asawa. Wala namang divorce dito sa Pilipinas.

                Isang malakas  na tawa lang ang sinagot ni Steve at isang tanong ang muling sinambit. Kung saka sakali may divorce dito sa Pilipinas at puede kang mag pakasal  sasagutin mo ako at payag kang mag pakasal tayo kasi mahal mo ako. Isang mahinang tango lang ang sagot ni Khatie kay Steve . iyon lang sapat na para lubusan ang kaligayahan nito. Kung ganoon walang problema. Ang akala ko hindi mo ako mahal kaya ayaw mo sa akin ang tanong ni Steve. Puede kitang pakasalan sa America. Doon mag file ka ng divorce sa iyong dating asawa after 6 months malaya kana . pag kalipas ng anim na buwan puede na tayong mag pakasal. Total may iba ng asawa si Lowie walang dahilan para harangin nito ang I file mong divorce sa kanya. Ang kailangan lang  ayusin natin ang kinakailangan mga papeles. Dadaan tayo sa butas ng karayon pero ok lang basta ikaw ay aking makakasama habang buhay. Isang mahigpit na yakap lang ang naging tugon ni Khatie sa mga tinuran ni Steve. Mayroon palang paraan para sila makasal ni Steve. Puede pala siyang lumigaya sa piling  nito.

                Natapos nanaman ang isang buwang bakasyon nag paplano na si Khatie na bumalik sa Hongkong . pero pinigilan na siya ni Steve na mag work. Siya na ang bahala sa kanyang mga gastusin at ang kanyang asikasihin na lang ay ang mga papeles na siyang mag dadala sa kanya  sa America. Gusto ni Steve sa madaling panahon makalipad na siya pa America para ma I file na niya ang divorce niya. Alam niya na anim na buwan ang pinakamaikli  ipaghihintay nila para tuluyan na siyang lumaya sa dating asawa. At mag karoon sila ng pag kakataong maging mag asawa. Ang kanilang inaasam asam.  Kay tulin lumipas ang mga araw ito na ang pinaka iintay  niya ang kanyang interview.  Naka full support naman si Steve kaya naman hindi na ito nahirapang kunin ang kanyang visa.

               Noong makuha ni Khatie ang kanyang visa agad agad  pinadalhan siya ng ticket ni Steve para mag kita na muli sila sa America. Kung noon si Khatie ang tourist guide ni Steve sa Pilipinas ngayon si Steve ang nag papasyal sa kanya. Ang saya saya niya kasama na niya si Steve nakarating pa siya sa America na kay tagal na niyang pinangarap na makatungtong sa lupain ng mga Americano. Sa bawat araw na mag daan  nalulubos ang kaligayahan ni Khatie. Lalu niyang napapatunayan sa kanyang sarili na mahal na mahal siya ni Steve. Lahat ginagawa para mapasaya siya at mag enjoy siya habang iniintay niya ang approval ng kanyang divorce paper. Hindi niya akalain mararating niya ang Disney, Universal studio, at ang Hollywood at marami pang magagandang tanawin. Hindi nag sasawa si Steve na ipakita sa kanya ang kagandahan ng America.

                Isang araw nakita siya ni Steve na katanaw sa kawalan si Khatie. Bakit ano ang iyong iniisip. Don’t tell me na nag babago na ang isip mo? O kaya nag sisi ka na kung bakit mo ako minahal? Ang sunod sunod na tanong ni Steve kay Khatie. Isang iling ang sagot niya. Hinding hindi ako mag sisi na minahal kita. Kaya lang natatakot ako baka muli akong masaktan. Minsan na akong nag mahal nag tiwala pero nasaktan lang ako at lumuha. Lumapit si Steve at buhat sa kanyang likuran niyakap siya nito at sabay sabi na hinding hindi kita hahayaan masaktang muli. Kay tagal kitang hinanap at ngayon ikaw aking natagpuan hindi na kita papakawalan pa. kung saan saan ako nakarating para lang hanapin ang babaeng mag papatibok ng aking puso. Unang kita ko pa lang sa iyo sabi ko sa aking sarili ikaw na yon. Hindi ko rin alam kung bakit at paano sa unang sulyap ko pa lang saiyo nasabi ko na ikaw ang gusto kong makasama habang buhay. Sa mga salitang binitiwan ni Steve nag unahang tumulo ang kanyang mga luha sa kagalakan. Bakit ka lumuluha mayroon ba akong nasabi na hindi mo nagustuhan? Huwag kang mag alala luha ito ng kaligayahan.

               Lumipas ang mga araw at buwan lumabas na ang divorce paper ni Khatie. Kaya naman inayos agad ni Steve ang kanilang kasal. Sa pangalawang pag kakataon ikinasal si Khatie kay Steve. Hiniling ni Khatie sa Poong Maykapal na sana ganap na siyang lumigaya sa pangalawang pag kakataong ito. Sana hindi mag bago si Steve ng tulad ni Lowie. Sana’y tunay at wagas ang pag ibig nito sa kanya. Naging Masaya si Khatie sa piling ni Steve. Hinddi niya akalain na mayroon pangalawang Gloria. Habang tumatagal ang kanilang pag sasama nararamdaman ni Khatie kung gaano siya kamahal ni Steve. Hindi siya pinayagan mag trabaho. Ito na rin ang nag bibigay ng pera para sa suporta sa kanyang anak at magulang. Wala siyang ginagawa kundi ang pag silbihan si Steve. Pero na iinip siya sa bahay pag wala ito at pumapasok sa kanyang company. Hindi niya kaya ang sobrang katahimikan ng bahay nila ni Steve. Kaya naman kinausap niya ito na gusto niyang mag work habang wala si Steve sa bahay.

               Hindi pumayag si Steve na mamasukan si Khatie bagkus isinama niya ito sa kanyang company at tinuruan kung paano patakbuhin ang kaniyang business. Matiyaga si Steve sa pag tuturo ng mga pasikot sikot ng kanilang negosyo. Kaya naman sabay silang umaalis ng bahay at sabay din silang dumarating.  Kaya naman ang kanyang pag kainip ay lubusan ng nawala. Nag eenjoy kasi siya sa pagtulong kay Steve. After ng 3 buwan lumabas ang greencard ni Khatie. Hindi niya akalain na inayos pala ni Steve ang kanyang mga papeles upang makauwi siya ng Pilipinas. Para madalaw niya ang kanyang anak at mga magulang. Pag dating  nila sa Pinas ang annulment naman niya ang inasikaso nito. Gusto ni Steve na makasal din sila sa pinas. Para naman Makita at maka attend ang kanyang anak at magulang sa araw ng kanilang kasal. Masayang Masaya si Khatie sa piling nito . kahit di pa niya hinihingi binibigay na sa kanya ang lahat ng kanyang pangangailangan. Muli silang bumalik sa America habang  iniintay nila ang resulta ng annulment ni Khatie.

                Kaytulin lumipas ang mga taon.  Ika 3taon na nilang kasal nag file si Khatie ng kanyang pag ka American citizen . sa tulong ni Steve kaydali niyang nakuha ang kanyang anak at mga magulang. Ngayon wala na siyang mahihiling pa. kasama na niya ang kanyang mga mahal sa buhay. Dahil kay Steve hindi na muli silang mag kakahiwalay ng kanyang anak. Hindi na niya kailangan mangibang bayan para sa kanyang anak. Di nag laon ang kanyang iniintay na mapawalang bisa ang kasal niya kay Lowie nakuha na niya. Kahit gusto ni Steve na pakasalan siya sa pilipinas hindi na nila ginawa. Sapat na para kay Khatie ang kasal nila dito sa America. Masaya na siya at kuntento na sa kanyang buhay sa tulong ni Steve. Salamat sa pag mamahal nito at sa walang sawang pag aasikaso sa kanya.****THE END**** written by : Rhea Hernandez 6/18/13