LOVE STORY "RODRIGO"

LOVE  STORY  “RODRIGO”

Ni  Rhea  Hernandez

Pinoy poems

www.tulawento.blogspot.com

               Sa edad 20 noong niya sinabi sa kanyang sarili talagang umiibig na siya. Natagpuan na niya ang babaeng kanyang pinapangarap. Inaamin naman niya hindi naman ito ang unang kanyang niligawan. Sa katunayan kung sasagutin siya nito pangatlo na siya sa magiging girlfriend . Pero dito siya tinamaan ng husto. Unang kita palang niya nasabi na niya sa kanyang sarili siya na nga. Hindi na ako mag hahanap pa ng iba. Halos mag kababata sila pero hindi lumaki mag kakilala. Iisang lugar lang naman sila nakatira. Ipinag tataka niya bakit hindi niya ito nakikita man lang sa kanilang location.

                Si Carol mas bata lang sa kanya ng isang taon. Maganda at mahinhing kumilos. May taas 5’5” at balingkinitan katawan. At mayroong mahabang buhok na para bang kay sarap haplus halusin. Kung titignan mo parang lagi siyang nag papa rebound ng buhok. Hindi sinasadya sa maynila pa niya ito nakilala. Pareho silang nag attend ng isang party ng common friend nila. Noong mag kausap sila nagulat pa sa isa’t isa na iisa ang kanilang location. Kung sa iba nga sasabihin mag kababata sila . pero di nga niya ito matandaan.  Ang pinag tataka niya kilala siya ni Carol.

                Hanggang matapos ang party hindi na hiniwalayan ni Rodrigo itong si Carol . kaya naman noong mag kita kita uli sila ng mga kaibigan niya katakut takot ang inabot niyang kantiyaw sa mga ito. Sa totoo lang mga bro tinamaan talaga ako kay Carol. Tulungan naman ninyo akong mapalapit sa kanya. Mas close ninyo siya kaysa akin. Napahiya na nga akong noong party. Isipin ninyo kilala niya ako tapos ako di ko siya kilala. Yon pala iisa ang school naming noong elementary at high school  una lang ako sa kanya ng isang taon kaya niya ako kilala. Bakit hindi ko siya napapansin noon. Ngayon isang sulyap lang hindi ko na maalis ang mga mata ko sa kanya. Hindi ko alam kung ano mayroon siya at naakit ako ng ganito sa kanya. Bro maganda naman kasi siya kahit sinong lalaki mapapalingon sa kanya.

               Inumpisahan ni Rodrigo ang panunuyo sa dalaga. Katunayan hindi siya sanay mang ligaw sa babae. Kasi sa hindi pag mamayabang  ang mag nag daang girlfriend niya ito ang mga nag pakita ng mga motibo para ligawan niya. Kaya hindi nahirapan si Rodrigo na mapasagot ang mga ito. Pero  ngayon kay Carol  hindi niya makapa kung ano ang kanyang score dito. Kay hirap basahin ang mga kilos nito. Mabait naman sa kanya ito at lagi siyang hinaharap pag umaakyat siya ng ligaw. Parang may gusto na wala kaya hindi niya matantiya kung ano ang kahihinatnan niya sa panunuyo sa dalaga.

               Naging regular na ang kanyang pag hatid sundo dito sa bahay school o school to bahay. Unti unti sa araw araw nilang pag kikita nadarama na ni Rodrigo na mayroon na siyang naaaninag na pag asa. Kay tuling lumipas ang mga araw at buwan. Mag iisang taon napala siyang lumiligaw sa dalaga pero hindi pa niya tinutugon ang kanyang alay na pag ibig. Kaya naman isang araw kinulit ng kinulit nito ang dalaga na bigyan na ng tuldok ang kanyang pag hihirap ng kalooban. Isang matamis na ngiti lang ang isinasagot ni Carol kay Rodrigo. Ok naman tayo ng ganito ahh. No commitment no obligation. Di ba mas maganda ang ganito. Pero di ko masabing ikaw ang girlfriend ko. Kasi wala tayong official na usapan.  Isang matamis na ngiti ang ibinigay sa kanya. Kaya naman hindi siya  kinakabahan na mababasted .

               Halata na ayaw pang umamin na mahal din niya si Rodrigo. Sa totoo lang takot si Carol na makipag relasyon dito. Nababalitaan kasi niya na playboy ito. Kabi kabila ang babaeng nag kakagusto sa kanya. Ayaw niyang masaktan pag dating ng araw. Alam ni Carol na masyado siyang selosa. Baka lagi lang silang mag away pag sila na. lalu na kung  hindi siya mag babago sa pagiging malapit sa mga babae. Ayaw ni Carol na mahulog ng tuluyan sa pag mamahal niya dito. Baka di niya kayanin ang masaktan pag dating kay Rodrigo. Noon pa naman kasi humahanga na siya sa lalaki. Kahit noong high school pa lang siya may lihim na siyang  pag tingin dito. Yong nga lang ni minsan di siya tinapunan nito ng tingin.

               Tapos ngayon lumiligaw sa kanya at sinusuyo siya hindi niya mabitiwan ang kanyang matamis na oo. Natatakot kasi siya na mapabilang sa mga babaeng nag daan sa buhay nito. Ayaw niya mapabilang doon sa mga babae sa buhay niya. Ok na ang ganito walang commitment sa isa’t isa. Kung iwanan siya hindi gaanong masakit. Di alam ni Carol bakit natatakot siya sa hinaharap. Para kasing nakikita niya na masasaktan lang siya pag dating ng araw. Hindi siya nakakasiguro na sya  lang ang babae sa buhay ni Rodrigo.  Natatakot siya nabaka totoo ang kanyang mga nababalitaan noon na di nasisiyahan ito sa iisang babae lang.  iyon ang di niya kakayanin ang mag karoon ng kahati sa puso nito.

               Naging lalung masigasig si Rodrigo sa panliligaw kay Carol kaya naman kahit anong iwas ang gawin niya para di sagutin ang lalaki hindi na niya maitago ang kanyang nararamdaman dito. Kaya di nag laong bumigay na rin si Carol. Ang matagal ng hinihintay ni Rodrigo sagot buhat kay Carol ay kanyan ding nakamit. Anong ligaya niya sa wakas natapos na rin ang pag hihirap niya sa panliligaw sa dalaga. Halos mapalundag siya sa tuwa ng araw na yon. Parang gusto niyang ipag sigawan sa buong mundo na girlfriend na niya si Carol. Batid ni Rodrigo iba klaseng pag mamahal ang nararamdaman niya kay Carol kakaiba sa lahat ng babaeng nag daan sa buhay niya. Alam niya na pang habang buhay na ang piling niya dito.

               Lumipas ang mga araw na walang pag siglan ng tuwa ang puso ni Rodrigo at ni Carol. Tulad ng ibang mag kasintahan halos araw araw nag kikita sila. Hatid sundo ni Rodrigo si Carol. Nag adjust siya ng kanyang mga subject para masundo at maihatid niya sa school ito. Walang sawa si Rodrigo sa pag hawak ng mga kamay ni Carol habang sila’y nag lalakad. Hindi nila ikinahihiya ipakita kung gaano siya ka sweet  sa kanyang girlfriend. Madalas sabihin ni Carol sa kanyang sarili na hindi siya nag kamaling mahalin si Rodrigo. Damang dama niya ang pag mamahal nito sa kanyan.

               Subalit si Rodrigo ay hindi naiiba sa karaniwang mga lalaki. Kahit mahal na mahal niya si Carol hindi niya maiwasan tumingin at humanga sa ibang babae. Laluna kung ito na ang nag bibigay nga motibo. Sabi nga niya palay na ang lumalapit sa manok tatanggi pa ba siya. Kaya naman ang every day niyang pag hatid sundo kay Carol naging tuwing every other day na lang. ang dahilan niya masyadong madami siyang dapat asikasuhin sa kanyang pag aaral. Napapabayaan na niya ito sa daming oras na inuubos niya sa kasintahan. Itong naman si Carol naawa sa kanyang Boyfriend kaya naman  hindi nag dalawang salita ito pumayag  na di sila mag kita everyday.

                Pero ang totoo hindi pag aaral ang dahilan kaya nag bawas ng araw si Rodrigo sa pag dalaw kay Carol. Kundi si Jhena  ang nag bigay ng motibo at halos ito na ang nangligaw kay Rodrigo. Si Jhena maganda at sexy  laging nagiging muse sa kanilang school. Unang kita palang nito kay Rodrigo nag kagusto na siya. Kaya naman ginawa niya ang lahat para maakit ang lalaki. Wala pang lalaki na tumangi kay Jhena. At isa na doon si Rodrigo. Mahal na mahal niya si Carol pero hindi niya matangihan ang ganda at pang halina ni Jhena. Kaya naman natukso siyang patulan ito. Total naman mag kahiwalay  ang school nila . hindi na niya ito malalaman. Mag iingat na lang siya para hindi siya mahalata ni Carol. Kay Jhena walang problema kasi alam niya na nakikihati lang siya kay Rodrigo. At ramdam niya na mas mahal nito si Carol. Kaya kung maaari ibigay na niyang lahat ang gusto nito.

               Naging super lambing ni Jhena na siyang kahinaan ni Rodrigo. Moderno ang pananaw nito sa buhay. Ok lang sa kanya ang pre marital sex. Na siyang kabaligtaran ni Carol. Masyadong makaluma ang pananaw ni Carol pag dating dito. Kaya naman kay daling matukso si Rodrigo kay Jhena. Kahit di niya mahal  ito pero  naibibigay naman ang kanyang pangangailangan bilang isang lalaki. Kaya naman napapalapit na rin ang kalooban niya kay Jhena.  Samantala si Carol buong buo pa rin ang pag titiwala niya kay Rodrigo. Alam niya mahal na mahal siya nito at hindi gagawa ng isang bagay na ikasasama ng kanyang loob at ikasisira ng kanilang relasyon.

               Isang araw nag karoon ng okasyon sa kanilang school kaya walang pasok. Kaya naman nag kaayaan sila Carol at mga kaibigan nito na manood ng movie. Noong papasok na sila sa sinehan siya namang papalabas sila Rodrigo at Jhena. Kitang kita ng dalawang mata ni Carol ang dalawa.  Mag kaakbay at masasabi mo agad na mayroong namamagitan sa dalawa. Akala ni Carol siya lang ang nakakita sa dalawa. Pero pati pala ng kanyang mga kaibigan kitang kita nila. Pakiramdam ni Carol para siyang pinag sakloban ng langit at lupa. Halos hindi siya makagalaw sa kanyang kinatatayuan. Hindi niya akalain na magagawa ito ni Rodrigo sa kanya.

               Nakita na lang ni Carol sumusunod siya sa dalawa. Kaya naman hindi na sila natuloy manood ng sine.  Kitang kita ng dalawa niyang mata ng pumara ng taxi ang mga ito. Kaya naman ang mga kaibigan ni Carol tumawag din ng taxi. Pinasundan ang taxing sinasakyan nila Rodrigo. Tama nga ang hinala ng mga kaibigan ni Carol sa isang motel huminto ang taxing sinasakyan ng mga ito.  Bumaba ang mga  ito  at kumuha ng isang room. Hanggang loob nakasunod sila Carol. Noong papasok na sa room ang dalawa saka nag pakita si Carol kay Rodrigo. Wala ni isang salita namutawi sa kanyang mga labi. Kundi  ang nag uunahang pag tulo ng kanyang mga luha ang nakita ni Rodrigo. At ang mga mata nito na kitang kita mo ang galit at panunumbat. Iyon lang at tumalikot na si Carol.

                 Hinabol ni Rodrigo si Carol at gustong mag paliwanag pero mabilis na nakasakay uli ito sa kanilang taxi. Naiwan si Rodrigo na hindi malaman ang gagawin. Hindi na natuloy ang pag pasok nila ni Jhena sa room. Walang nagawa si Jhena kundi sumunod sa kagustuhan ni Rodrigo. Hindi nabigla si Jhena sa pang yayari kasi alam naman niya na mayroong girlfriend itong si Rodrigo. Natutuwa pa nga siya kasi ngayon mag kakasira na ang dalawa. Pag kakataon na niya na masolo si Rodrigo.  Kung mawawala nga naman ito sa buhay ng lalaki di masosolo na niya ito. Mag kakaroon na siya ng pag kakataong  na mahalin siya nito. Na kay tagal na niyang dinadasal na masolo ang pag tingin ng binata.

                  Samantala hindi matanggap ni Carol na nagawa ni Rodrigo na pag taksilan siya. Ang buo niyang paniniwala na mahal na mahal siya nito. Bakit hindi niya naramdaman ito . na hindi lang siya ang babae sa buhay nito. Iniisip niya ano ba ang nagawa niyang pag kukulang sa kanilang relasyon at nakuha siyang ipag palit sa iba. Sabagay aminado naman siya na mas maganda ito kaysa kanya. Mas moderna samantala siya may pag ka Maria Clara ang dating. Kaya siguro nag hanap ng iba si Rodrigo. Hindi niya kayang ibigay ang makamundong  pag nanasa nito hanggang hindi pa sila nakakasal. Halos mag damag na umiyak si Carol. Sabi nito sa sarili ok lang Carol umiyak ka ng umiyak ngayon bukas  huwag ka ng iiyak. Ang katulad niyang lalaki hindi iniiyakan ng matagal.

               Kinabukasan magang maga ang mata ni Carol sa kakaiyak . kaya naman hindi siya pumasok sa school. Ayaw niyang lahat sa kanya nakatingin . baka akalain nila namatayan siya ng kamag anak.  Ramdam na ramdam niya ang kirot sa kanyang puso. Hindi niya mailarawan kung gaano ito kasakit. Sa talang buhay niya ngayon palang siya nakaramdam ng ganitong sakit . hindi niya malaman saan nag gagaling ang sakit na kanyang nararamdaman. Buti kung may sugat siya alam niya na ito ang masakit. Pero ngayon sa kaloob looban niya nag gagaling ang sakit. Pero hindi na siya umiiyak. Sabi nga niya inubos na niyang lahat ang luha niya para kay Rodrigo noong nag daang mag damag. Tama na yon ngayon dapat na niyang harapin ang realidad. Ang katotohanan na sa ginawa ni Rodrigo tinapos na nito ang kanilang relasyon.

               Ang inaasahan ni Jhena na masosolo si Rodrigo ay mali. Sa muli nilang pag kikita tinapos na nito kung anoman mayroon sila. Handa siyang humingi ng tawad kay Carol at muli itong suyuin. Sa puso niya si Carol talaga ang tinitibok nito. Pero buo na ang desisyon ni Carol na iwasan si Rodrigo. Nag hanap ito ng bagong boarding house lumipat siya at hindi ipinaalam. Kaya naman sa pag punta ni Rodrigo sa tinitirhan ni Carol wala na ito.  At pag sa bahay naman nila siya umaakyat ng dalaw hindi siya hinaharap nito. Palaging may dahilan para di sila mag kita man lang. kung ilang beses siyang pabalik balik dito ni anino ni Carol di niya nakikita. Sadyang tinapos na ni Carol ang kanilang ugnayan sa isa’t isa. Pati schedule nito sa school pinalitan niya para di sila muling mag katagpo.

               Lumipas ang mga araw buwan at taon natapos na rin ang kanilang kursong kinukuha. Kahit papaano nag hilom na ang mga sugat na nilikha ng kanyang  pagiging marupok sa pag ibig. Pero  ang pag ibig niya kay Carol ay nanatili pa rin sa puso niya. Pero kailangan na niyang mag move on.  At dito niya nakilala si Elena. Halos pareho sila ng mga katangian ni Carol. Niligawan niya at hindi nag tagal naging kanyang kasintahan. Mag ka minsan nakikita niya si Carol sa katauhan ni Elena. Kahit pilit niyang iwaglit nandoon pa rin hindi niya malimutan ang pag mamahal niya dito. Pero mahal din niya si Elena yong nga lang ibang level na ito. Hindi kasing tindi ng pag mamahal niya kay Carol. Pag kalipas ng maramng taon hindi na niya alam kung nasaan na si Carol.

                Hanggang nag pakasal na sila ni Elena.  Nag kaanak naging good father at good provider siya sa kanyang pamilya pero hindi best husband. Alam ni Rodrigo na hinahanap hanap pa rin ng kanyang puso si Carol. Para hindi maramdaman ni Elena na mayroon ibang laman ang puso niya nag padestino siya sa malalayong lugar. Ayaw niyang saktan ang damdamin ng kanyang asawa. May pag kakataon na si Elena ang kasiping niya ang nasa isipan niya ay si Carol nasana ito ang ina ng kanyang mga anak. Sana’y ubot niya ng saya kung ito ang kasama niya sa araw araw. Pero ano ang magagawa niya naging marupok siya sa ngalan ng pag suyo noon. Huli na ng kanyang natuklasan na mahal na mahal niya ito. Kaya naman ala siyang ginawa kundi maging honest sa kanyang asawa. Hinding hindi niya sisirain ang pag titiwala nito sa kanya. Ayaw na niyang maulit muli ang nang yari sa kanila ni Carol.

               Lumipas ang maraming taon naging mabuti siyang husband  kay Elena. Ama sa kanyang mag anak kahit papaano nakalimutan na niya si Carol. Ibinuhos niya ang buong pag mamahal sa kanyang mag iina. Hanggang dumating ang isang malaking pag subok sa kanilang pag sasama. Nag karoon ng malubhang karamdaman si Elena. Hindi nag laon kinuha na siya ng Maykapal.  Nag pasalamat si Rodrigo sa Diyos lumisan si Elena na hindi nabatid na hanggang ngayon iniingatan pa rin niya sa puso ang kanyang pangarap na makasama bilang asawa si Carol. Namayapa ito na hindi nalaman na may kahati siya sa kanyang pag mamahal. Kahit sa katotohanan hindi naman siya nag taksil dito naging matapat siya bilang asawa kay Elena. Yong nga lang sa puso niya may iba itong tinatangi.

               Pag katapos ng babang lukasa muling  nag abroad si Rodrigo. Kailangan na niyang bumalik sa company kanyang pinag tratrabahuhan. Kabi kabila ang inabot niyang tukso sa kanyang mag anak. Paano yan Dad binata kana nanaman puede ng humanap ng maliligawan. Huwag kang mag alala sa amin malalaki na kami kaya na naman ang mga sarili naming. Ang mahalaga maging maligaya sa natititra mo pang buhay . isang makahulugang ngiti lang ang isinukli ni Rodrigo sa mga anak niya. Sabi niya sa kanyang sarili siguro mag aasawa lang uli siya kung si Carol ang babae. At muli niyang naalala ang babae minahal niya ng lubusan pero hindi niya pinahalagahan noon pero hanggang ngayon iniingatan sa puso niya..

               Mag check in na siya sa eroplano noong mapansin niya ang babae sa unahan ng pila . nakatalikod sa kanya ewan ba niya parang nag karoon siya ng interest Makita ang mukha ng babae. Kung puede nga lang lagtawan niya ang ilang nakapila para mapalapit siya sa babaeng ito gagawin niya. Dasal niya sana lumingon ito para Makita niya ang mukha nito.natapos siya ni hindi man lang lumingon . sayang gusto pa naman niya Makita ang mukha nito kahit isang saglit lang. Siguro ang ganda niya kasi likod pa lang nakita niya nag karoon na agad siya ng interest Makita ito. Noong makatapos siya hindi na niya Makita ang babae. Ang laking panghihinayan di man lang niya nakita ang mukha nito.

                Panay lingap niya nag babakasali muli niyang Makita ito. Pero bigo siya kaya naman tuloy tuloy na siya sa loob ng eroplano. Hinanap niya ang kanyang upuan nakita niya may nakaupo na sa tabi niya. Wala dito yong nakaupo pero nandoon sa upuan ang mga gamit niya. Siguro nasa restroom siya.  Nakayuko siya may inaayos sa kanyang bag ng may nag salita nakikiraan . hinding hindi niya makakalimutan ang timbre ng boses na yon . si Carol ang nag mamay ari nito. May sikdo ang kanyang dibdib noong lingunin niya ang babae. Hindi nga siya nag kamali si Carol ito. At ito rin ang babae sa unahan ng pila kanina. Kaya pala kahit nakatalikod siya nakilala siya ng puso ko ang bulong ni Rodrigo.

               Mag katabi sila ni Carol sa eroplano. Pag nag biro nga naman ang pag kakataon hindi mo inaasahan magaganap. Ni sa panaginip niya di niya akalain mangyayari ito ngayon. Maganda pa rin si Carol parang walang nag bago maliban na lang mababakas mo na ang kanyang edad. Malaki na ang itinanda nilang pareho. Sa wakas dina siya iniwasan nito ngayon. Siguro nagamot na ng panahon ang sakit na idinulot niya dito. Ang tagal ng biyahe ni hindi siya nainip.parang kulang pa ang oras sa kanilang pag kukuwentuhan. Kanyang napag alaman hanggang ngayon dalaga pa rin itong si Carol. Pero may isang anak sa pag kadalaga. Kaya pala hindi na niya ito nakita buhat noong mag graduate sila at wala na siyang nabalitaan pa.  nag migrate napala siya sa Canada at dito niya nakilala ang ama ng kanyang anak.

               Hindi sila nag pakasal kasi ang daming hindi nila napag kakasunduan. Mas minabuti na lang niyang maging single mom kesa mag patali sa isang relasyon walang kakapuntahan. Kaya buhat noon sa kanyang anak uminog ang mundo niya.   Ngayon may sarili ng mundo ito. Nasa hustong gulang na kaya nag sasarili na ng kanya. Ganito naman ang mga kabataan  sa Canada gusto ng total freedom. Ok naman yong anak ko malaki ang pag papahalaga sa kanyang sarili. Parang mommy niya. Hindi nakalimutan ni Rodrigo kunin ang cell phone number at kung saan nakatira ito.

               Sayang baba na si Rodrigo  pag dating ng eroplano sa Hawai. Dito na siya mag tratrabaho ng dalawang taon singkad. Samantala si Carol sa Canada ang kanyang distinasyon. Muli nabuhayan ng pag asa si Rodrigo na mag karoon ng katuparan ang kanyang pinapangarap. Halos araw araw nag te text si Rodrigo kay Carol. At regular din ang pag tawag. Hanggang mauso ang facebook libre na nakakapag usap pa sila ng matagal na walang gastos.  Pakiramdam ni Rodrigo bumabalik siya sa pag kabata. Para bang kaya niya ang lahat para sa pag mamahal niya kay Carol. Napatawa ng malakas si Carol noong minsan sabihin ni Rodrigo na para siyang nag bibinata lang ngayon. Lalu na kausap niya ito.

               Kay tulin ng mga araw ang dalawang taong kontrata ni Rodrigo matatapos na. sa wakas mag kikita silang muli ni Carol ng personal. Dalawang taon din ang tiniis niya na muling mag kita sila ni Carol. Sa loob ng dalawang taon naihanda na rin nito ang kinabukasan nila. Alam niya na may anak na puedeng humadlang sa kanilang pag mamahalan. Dahil sa facebook muli silang nag ligawan at nag mahalan muli. Hindi lumilipas ang mag hapon ng hindi nakakausap kahit sandali lang.

                Dumating na ang pinaka iintay niyang  araw na makapag tapat  ng kanyang saloobin kay Carol nang personal.kahit dalawang taon silang nag kakausap by facebook iba pa rin yong personal niyang sabihin ang laman ng kanyang puso.  Handa niyang pakasalan ito kahit saan naisin ni Carol. Total pareho naman silang Malaya. Mahigit na ring 2 taon siyang biyudo at si Carol naman ni minsan di pa nakakasal. Sa wakas mag kakaroon na ng katuparan ang matagal ng pangarap ni Rodrigo ang makasama ang babae kay tagal niyang iningatan sa kanyang puso. Ang akala niya hindi na ito mag kakaroon ng katuparan. At mananatili na lang pangarap. Pero eto ngayon kaharap niya ang babaeng kanyang pinapangarap ng mahabang panahon.

               Kahit noon nag kahiwalay sila dahil dalisay at wagas ang pag mamahal na sumibol sa kanilang puso. Nanatili sa kanilang mga puso kahit ilang dekada na ang lumipas at noong muling nag katagpo umusbong at yumabong ang nausyami nilang pag iibigan noon. Sadyang ang tunay na pag ibig hindi nawawala kahit ilang dekada ang mag daan. Maaaring mag karoon ng pag kakataon na mag kalayo pero darating ang panahon na muli itong mag kakaroon ng magandang katapusan sa muling pag tatagpo ng landas. Ang wagas na pag ibig hindi nawawala sa puso ninoman. Ito ang napatunayan ni Rodrigo at pinapangako niya na hindi na muli silang mag kakahiwalay ni Carol. Babaunin na niya sa hukay ang pag mamahal niya dito. Mag sasama sila sa hirap at ginhawa hanggang kamatayan.******THE END****** written by : Rhea Hernandez  6/7/13****