BAKIT NGA BA?
Ni Rhea Hernandez
Pinoy poems
isang araw lumapit ka nag pakilala
nababakas sa iyong mukha ang saya
ibig mong mabatid kung ako malaya
crush mo ako sa kilos at galaw halata
noon di kita pansin pero mapilit ka
ipinadama mo mahal mong talaga
sa panunuyo naging matiyaga ka
kahit anong tagal hindi ka nag sawa
handang mag intay abutin man ng buwan
ang pusong bato natinag sa pananambitan
tanging hiling huwag mo sanang sasaktan
naniwala sa pangakong mag pakailan man
pag lipas ng mga araw ligaya nadama
bawat sandali pinakita ang pagpapahalaga
ang puso punong puno ng saya aking sinta
sa piling mo anong ligaya walang kapara
bakit isang umaga bigla kang nag bago sinta
nag laho bigla ang tuwa sa aking mga mata
ang akala wala ng katapusan ang ligaya
pero ngayon dulot ay lungkot tuwi tuwina
ipabatid kung ano ang pag kakasala
ang tamis ng pagsuyo biglang nawala
kung may iba papalayain kita sinta
kung sa piling niya ikaw liligaya
ang mahalaga masaya ka sa piling niya
sana’y mahalin kaniya nang lumigaya
kahit itong puso ko ang mag durusa
hindi mag hihinayang na palayain ka
by Rhea Hernandez 8/30/12
No comments:
Post a Comment