HUWAG MO AKONG MAHALIN
chapter 5
Ni Rhea Hernandez
Pinoy poems
Hindi akalain ni Kelvin na mag e enjoy siya sa dinner nila
ni Mr Ramirez. Akala niya ito na ang pinaka boring niyang dinner. Pero mali
siya dahil kay Alice Ramirez ito na yata
ang pinakamasayang dinner sa talang buhay niya. Hindi niya alam
kung bakit walang pag siglan ng tuwa ang
puso niya. Hindi niya alam kung ano mayroon si Alice bakit hindi siya pinatulog
mag damag. Kahit ano gawin niyang pikit
sa kanyang mga mata hindi siya dalawin
ng antok. Ayaw maalis sa kanyang isipan
ang maamong mukha ni Alice Ramirez.
Ngayon lang niya naramdaman ang ganitong kaligayahan dahil lang sa isang babae.
Hindi niya maitatanggi na attractive siya dito.
Pero ano ang gagawin niya? Alam niya na kapatid niya ito sa
ama. Kaya ba niya ito nararamdaman dahil lukso ng dugo. Kaya ba isang
istranghero damdamin para sa kanya? Dahil ngayon lang niya nakita ang nag iisa
niyang kapatid. Naguguluhan si Kelvin sa kanyang nadarama. Pero alam niya sa
kanyang sarili hindi pag mamahal bilang isang kapatid ang kanyang nararamdaman.
Hindi siya maaaring mag kamali sa nararamdaman niya. Hindi puede kailangan
supilin niya kung ano man ito. Makakasira sa kanyang mga plano sa pag
hihiganting gagawin niya sa kanyang ama.
Saka hindi niya gustong isali si Alice sa binabalak niyang
pag hihiganti. Walang itong kasalanan sa kanya. Hindi niya kasalanan na maging
anak ni Ricky Ramirez. Kung kinilala lang siya nito di sin sana lumaki silang
mag kasama o mag kakilala. Bakit nga kaya
di siya kinilala ng kaniyang ama.dahil kaya isang sales lady lang ang kanyang ina. Hindi nababagay sa kanilang
angkan?
Dapat na niyang kalimutan kung ano ang kanyang nararamdaman
. Ngayon palang patayin na niya kung ano
man damdaming umuusbong sa puso niya.
Ang dapat niyang pag tuunan paano niya makukuha ang pinakamataas na
posisyon sa company. Maging kaagapay ni Mr Ramirez. Kung president siya ang
pagiging vice president naman ang target ni Kelvin. Kailangan niyang mag
pakitang gilas. Alam niya hindi mag
tatagal makukuha din niya ang posisyong iyon.
Bukas na bukas din uumpisahan ko na ang pag papabango kay Mr Ramirez ang
mahinang bulong sa kaniyang sarili.
Kahit puyat at halos walang tulog maaga pa rin pumasok ayaw
niyang may masabi ang mga kasamahan niya
sa departamento niya. Isinubsob ang ulo sa mga tambak na trabahong iniwanan
ni Mr Santos. Kasalukuyang hinihilot niya ang kanyang batok
ng bilang may kumatok sa kanyang
office. Tuloy ano kailangan mo ? ang
tanong niya na hindi man lang pinag aksayahan tapunan ng tingin kung sino ito.
Mukha yatang sumasakit ang batok mo sa dami ng trabaho. Bati ng pumasok.
Biglang tinaas ang ulo sa nadinig niyang boses. Hindi siya maaaring mag
kamali boses yon ni Alice Ramirez. Ano
ang ginagawa ng babaeng ito sa opisina niya?
Galing ako sa opisina ni papa . tinanong ko sa kanya nasaan
ka? At saan ang opisina mo? Noong una
ayaw niyang ibigay sa akin at sigurado daw siya na guguluhin kita sa trabaho
mo. Pero kinulit ko siya. Kaya eto ako
ngayon. Alam kasi ni papa hindi ko siya titigilan hanggang di niya binibigay.
Kasi alam ng papa mo na masyado kang spoil sa kanya. At alam
din niya na wala kang ginusto na di mo nakukuha. Kasi nga laki ka sa layaw.
Lahat ng maibigan nakukuha kahit sa anong paraan. Hindi ba tama ako sagot ni
Kelvin kay Alice.
Ang sama naman ng pag kakilala mo sa akin . hindi naman ako
ganoon. Alam mo bang istrikto si papa. Lalu na noong bata pa ako. Lahat nga
sabihin niya batas sa aming bahay. Wala nakakabali noon . kahit ako. Kaya nga
lumaki akong malayo sa kanya. Nag tataka nga ako ngayon bakit ako ininvite niya
kagabi sa dinner ninyo. At laking pasasalamat ko na pinag unlakan ko siya.
Dahil doon nakilala kita.
Ganoon ba ! bakit ka nga pala napasyal sa opisina ko?
Mayroon ba akong maipag lilingkod sa inyo kamahalan! Sabay yuko tanda ng pag
saludo sa isang prinsesa.
Anu bayan para naman akong isang prinsesa niyan. Sabay tampal sa braso ni
Kelvin. Busy ka ba sa trabaho? Baka naman puedeng samahan mo akong mag shopping
o mag pasyal pasyal matagal tagal na rin akong wala dito. Itinapon ako ni papa
sa ibang bansa para mag aral. Kaya naman
medyo ligaw na rin ako dito.
Napakamot sa kanyang batok si Kelvin. Ano gagawin mo akong
alalay mo? O isang bodyguard mo? Di ba mayroon
ka namang driver ? bakit ako pa
yong napili mong istorbohin? Alam mo naman kakaumpisa ko pa lang isang tambak
ang trabaho ko. Humanap ka ng ibang aabalahin at huwag ako. Dahil sa mga sinabi ni Kelvin parang napahiya
si Alice. Nag mamadaling lumabas ng opisina ni Kelvin. At noong isara yong
pintuan ay gumagalabog.
Alam ni Kelvin napahiya ito. O sumama ang loob sa kanya. Na
siya namang gusto niya at sinasadyang gawin. Na sanay iwasan na siya nito. Para hindi siya mahirapan
supilin kung ano manang umuusbong na kanyang nadarama para dito. Hindi dapat
kasi nga half sister niya ito na di niya alam na anak siya ng papa niya sa
isang saleslady nila dati.
Kailan kaya siya mag kakalakas loob na sabihin dito na anak
siya nito. Hanggang ngayon kaya itatangi parin na anak siya nito. Kahit
nakikita na niya na karapat dapat siyang ipag malaki kahit na sinong magulang.
Sa mga naabot niya walang magulang ang ikakahiya siya kahit isa siyang putok sa
buho.
Samantala si Alice isang bakol ang mukha halos hindi
maipinta sa sama ng loob at sa karanasan pag papahiya sa kanya ni Kelvin .bakit
ganyan ang mukha mo Alice ang tanong ni Mr Ramirez sa nag iisa niyang anak.
Papa kung mahal mo ako tanggalin mo dito si Kelvin. Akala mo kung sino kung mag
salita yong hambog na yon. Hindi siya nararapat dito sa company natin. Ni wala
pa siyang napapatunayan ang yabang yabang na mag salita.
Bakit naman anak anu ba ang ginawa ni Kelvin sa iyo at nag
puputok yang butse mo. At gusto mo pang tanggaling siya sa posisyon niya. Alam
mo ba yang hinihiling mo?hindi nakakibo si Alice kasi alam din naman niya na
siya ang mali. Hindi nga naman tama yong inasal niya kay Kelvin. Pero alam niya
kaya siya nakapag salita ng ganoon dahil napahiya siya sa kanyang sarili.
Alice tinatanong kita ano ginawa ni Kelvin sa iyo at ganyan
na lang ang galit mo sa kanya. Noong Makita ni Alice na galit ang kanyang papa kay Kelvin saka niya
naisip na mali siya at hindi na dapat siya nag sumbong dito. Baka nga tanggalin
ng papa niya ito sa trabaho mawalan na siya ng pag kakataon na mapalapit dito.
Mahal na yata niya ito. Alam niya na mayroon na siyang nararamdaman . Hindi
niya kailangan sabihin sa kanyang papa ang lahat. Kaya naman nag isip na lang
siya ng palusot. Kasi ba naman hindi yata niya ako natandaan . noong masalubong
ko siya kanila malapit sa opisina niya ni hindi man lang niya ako pinansin.
Para bang hindi niya ako kilala .
Yon lang ba ang ikinagagalit mo? Iyan din ang mga naririnig kong bulong
bulungan ng mga kababaihan dito na may pag ka suplado daw itong si Kelvin. Pero
pag kausap ko naman ito hindi ko napapansin iyon. Ang totoo magalang na bata
ito. Mabait at masipag sa trabaho. Wala akong nakikitang dahilan para tanggalin
siya sa kanyang posisyon. Bagkus itaas ng posisyon ang nararapat sa kanya. Sa
sipag at talino niya hindi malayo na mangyari ito. Karapat dapat sa kanya.
Iniintay ko lang na mag karoon siya ng sapat na kaalaman tungkol sa company
natin at bibigyan ko siya ng promotion.
Lihim na napangiti si Alice sa tinuran ng kanyang ama.
Kung saka sakali mapaibig niya ito hindi siya mahihirapan sa kanyang papa. Baka
ito pa nga ang gumawa ng paraan para sa kanila ni Kelvin . intayin na lang kaya
niya na dumating ito. Ang kailangan nalang ay paano niya mapapa ibig sa kanya
ang mailap na binata. Wala pang lalaking tumangi sa aking kong kagandahan. Ang
bulong ni Alice sa kanyang sarili. Humanda ka Kelvin isa ka rin mapapa ibig sa
akin. Ang mahinang bulong ni Alice sa kanang sarili.
Saan kaya hahantong
ang pag mamahal ni Alice kay Kelvin***** ABANGAN*****
No comments:
Post a Comment