AKING INANG
Ni Rhea Hernandez
Pinoy poems
Aking pang natatandaan
Mga dulot mong kaligayahan
Sa munti nating tahanan
Matiyaga mong binabantayan
Ikaw ina nagtiyaga nag aruga
Sa walo mong supling pinagpala
Sa mga pag kaing iyong inihahanda
Dito sa puso di mawawala ang alaala
Ikaw ina laging nakasubaybay
Sa busilak mong pusong taglay
Alang hinangad, aming tagumpay
Sa kalungkutan ikaw dumadamay
Sa mga pangarap ikaw naka alalay
Pag mamahal mo alang kasing dalisay
Mga pangaral mo taglay habangbuhay
Dito sa puso’t isipan aking inilagay
Mga haplos mong napaka sarap
Lagi kong itong pinapangarap
Kami inaruga at nagpakahirap
Aming mga sumpong iyong tangap
Inang namimiss kitang tunay
Kay tagal akong sa iyo nawalay
Sa malayong lugar ako’y naglakbay
Sa aking pag babalik di nahintay
Kahit kailan dina kita masisilayan
Pero dito sa puso’t isipan iingatan
Mga ala ala mo mananatili kailan man
Ikaw ang pinakamabuti kong kaibigan
Tangap mo lahat ng aking kalokohan
Ikaw noon ang lagi kong sumbungan
Sa mga problema kay dali mong lapitan
Ngayon ikaw wala na ako’y iniwan
Mga magaganda mong pangaral
Alam kong kapiling mo Maykapal
Kasama mo lagi aking pag mamahal
Lagi kitang ipag darasal sa Maykapal
Copyright by Rhea Hernandez 2/27/12
No comments:
Post a Comment