LOVE STORY "SHINE" chapter 3

LOVE STORY “SHINE” chapter 3

Ni Rhea Hernandez

 Pinoy poems

www.tulawento.blogspot.com

              Kahit mahirap nag sumikap si Shine na makatapos ng kanyang pag aaral. Sa wakas isang taon na lang at matatapos na rin siya ng High School. Sa pag titiyaga niya sa pag titinda ng mga gulay at isda kahit papaano nakakaraos sila at ang pag aaral niya sa high school. At ang mga sumunod pa rin sa kanya nasa elementarya na pumapasok. Hindi basta basta hirap ang kanyang dinadanas  para lang makakita ng pang gastos sa kanyang pag aaral. Malaking tulong na din ang mga pinapadala ng kanyang ate sa kanila.

              Ang pag bibiyahe ng mga producto sa kabilang bayan tuwing alang pasok sa school. Pinatigil na siya ng kanyang ina at lola niya. Di daw maganda sa isang dalaga ang nakasakay sa tutok ng sasakyan. Ang pangit na daw tignan na kadalagang tao niya ay bumibiyahe sa ganoon. Kaya ang kanyang ina ang napilitang pumalit sa kanyang ginagawa. Kahit takot ang kanyang ina sa pag sakay  sa itaas ng sasakyan. Pinipikit na lang niya ang kanyang mga  mata  habang siya dumadaan sa malalaking bundok at malalalim  na bangin na kanilang dinadaanan.

              Samantala graduate na si Rico sa high school. Samantala si Shine nasa 4^th year palang. Pero kinalimutan na niya ito pinilit niya ang kanyang sarili na magalit sa lalaking ito. Itinuon na lang niya ang buo niyang atensyon sa pag aaral. Patuloy pa rin siya sa pag titinda sa harap ng kanilang bahay pag tapos na siyang mag aral. Kahit papaano ang kinikita niya ay sumasapat sa mga pangangailangan niya sa school. Lumipas ang mga araw linggo at buwan. Na puro ganoon ang routine ng buhay niya.

              Sa wakas sasapit na ang kanyang graduation sa high school. Anong saya niya kahit papaano nakapag tapos siya ng kanyang pag aaral. Graduation niya halong saya at lungkot ang kanyang nararamdaman. Masaya siya at sa wakas nakatapos na siya ng high school. Malungkot siya sa kaalaman na dina siya makakapag patuloy sa pag aaral sa kolehiyo. Hindi na niya kakayanin na pag araling mag isa ang sarili niya. At isa pa mayroon pa siyang 5 kapatid na kasunod niya na nag aaral pa rin ng elementary at high school. Kahit anong isip niya alang pag asa na makapg aral siya.

              Kaya nag desisyon siyang kumuha na lang ng passport para makapag abroad din siya tulad ng kanyang ate. Dahil bata pa siya kaya halos lahat ng kanyang papeles ay fake lahat. Isang buwan bago ang kanyang lipad lumuwas na siya sa Maynila. Tumira siya sa Cavite das Marinias. Isang linggo palang siya doon mayroon ipinakilala sa kanya ang isa niyang kasamahan pinsan daw niya ito. Si ate Sam ipinakilala niya si Rod. Laging pumupunta siya sa tinutuluyan niya  nakikipag kuwentuhan ito sa kanya. Hanggang naging kapalagayan ng loob niya .

              Kaya naman noong ayain siyang mag date dina ito nahirapan makumbinse si Shine. Lagi kasi itong pumupunta sa kanyang tinutuluyan. Malaki ang agwat ng kanilang edad. Samantala 17 pa lang si Shine at si Rod ay 28 na siya. Kahit malaki ang kanilang naging agwat sa edad di ito naging problema kay Shine. Maalalahanin at malambing si Rod kaya naman nahulog unti unti ang loob ni Shine dito. Pag nag kakausap sila ng kanyang ina ikinukuwento niya ito. Ok lang sa kanyang ina pero di niya sinasabi sa kanyang ama. Kasi nga sa pagiging batugan nito at sa pag papabaya sa kanilang mag kakapatid. Kailan kaya mag babago ang kanilang ama.

              Pero sa di inaasahang pag kakataon mayroon natuklasan si Shine na di niya nagustuhan. Ni sa guniguni di niya inisip na si Rod ay mayroon asawa. Sa di niya sinasadya natuklasan niya ang pag katao ng kanyang minahal. Hindi niya akalain na pati si ate Sam ay niloko siya. Dankasi mag pinsan sila kaya pinag tulungan siyang lokohin nito. Kung kailan natutunan na niyang mahalin saka ito mawawala. Kahit ayaw ni Rod nakipag kalas na siya dito. Hindi niya kayang sikmurain ang relasyon kanyang pinasok. Buhat noong malaman niya na may asawa pala ito.

              Akala ni Shine siya na ang tamang lalaki para sa kanya. Pero mali pala siya. Kaya lang siya mukhang binata kasi ang kanyang asawa nasa abroad pa. isang buwan na lang darating na ito, galit na galit si Shine sa kanyang kaibigan. Di niya akalain na ipahamak siya na itinuturing na niyang kapatid. Nag mamakaawa si Rod na ituloy nila ang kanilang relasyon habang wala pa ang kanyang asawa. Isang mag asawang sampal ang ibinigay niya dito. Ang lakas ng loob mong man ligaw iyon pala mayroon kanang pananagutan. Paano mo naaatim na lokohin ang iyong asawa. Sabay talikod kay Rod.

              Sa pag talikod niya saka nag unahang pumatak ang kanyang mga luha. Hindi niya akalain,  Naging totoo siya sa kanilang relasyon iyon pala isa lang itong kasinungalingan  lang pala. Gustong gusto na niyang umalis ng mga sandaling iyon . ibig na niyang lumayo sa lugar na yon. Alang idinulot sa kanya kundi kasawian at kalungkutan. Akala  niya makakalasap na siya ng kaligayahan sa buhay. Yong pala mas malaking kabiguan ang ibibigay ni Rod sa puso niya.

              Kaso ang medical exam ni Shine bumagsak. Ayon sa resulta mayroon siyang TB. Pero wala naman kaya napilitan siyang lumipat sa iba. Kaya naman sa Dubai siya nag apply. Sabi sabi ng iba hindi daw masyadong mahigpit sa medical doon. Sinuwerte naman siya nakapasa siya sa lahat ng test. Noong aayusin na niya lahat ang papeles niya tumawag ang kanyang ate mula sa kanyang pinapasukan. Sa kauna unahang pag kakataon sa loob ng isang taon ngayon lang ito tumawag sa kanya. Anong ligaya niya noong makausap niya ang kanyang ate. Sabik na sabik siya dito. Halos isang taong wala communication sa kanya.

              Gustong makausap ang kanilang nanay. Hindi niya sinabi sa ate niya na ala siya sa kanila. Kaya ang sabi niya nasa palengke ito kaya tawag nalang uli sa phone number ng uncle nila. Para makausap ang nanay nila. Hindi mapakali ang ate niya nahalata daw siya na nag sisinungaling. Kaya muli itong tumawag at di daw siya mapakali. Kaya naman napilitan siyang mag sabi ng katotohanan. Nasa Maynila siya at nag aaply papuntang Dubai. Isang linggo na lang aalis na siya.

              Panay iyak ng ate niya ayaw siyang paalisin. Mag papadala daw siya ng pera para umuwi na lang siya sa kanila kung hindi daw kalimutan na lang siyang ate. Kaya wala siyang nagawa kundi sundin ito umuwi siya sa kanilang probinsya. kasabay ang pag kabigo niyang mag abroad at kasabay ang pag kabigo niya sa pag ibig kay Rod.

              Sabi nga ate niya huwag na lang siyang mag abroad at mag aral na lang siya ng 2yrs course. Mag papadala siya ng pera para sa kanyang pag aaral. Ayaw daw niyang maparis si Shine sa kanya. Na kung minsan di pinapakain pag nagagalit ang kanyang amo. At kung minsan kinukulong siya sa banyo. Hiniling ng kanyang ate na ilihim na lang sa kanilang ina ang kanyang dinadanas sa kamay ng kanyang amo. Ang mahalaga makaahon sila sa kahirapan. Kaya mag aral ng mabuti si Shine para sa kinabukasan. Nila kaya nag enroll siya ng midwifery

              Nag kapag enroll na siya sa midwifery ka klase niya ang bestfriend niya . hindi niya akalain na makakapag aral siya kahit 2yrs course lang. ito lang napakalaking biyaya na. lingid sa kanyang kaalaman kinakausap pala ni Rico ang kanyang kaibigan. May gusto pala ito sa kanya at pinapahatid sa kanyang kaibigan. Sa pag kakataon ito bumabalik sa kanyang gunita ang sinabi niya noon na masyado pa siyang bata para sa kanya. At di siya magugustuhan kay pangit niya at kung anu ano pa. kaya noong mag kita siya ibinalik niyang lahat ang mga sinabi nito sa kanya at may dagdag pa.

              Siguro talagang mahal ni Rico si Shine sinuyo niya ito halos araw araw. Hatid sundo sa school niya. Sa pag lapit ni Rico muling bumalik sa kanyang alala ang mga binitiwan niyang salita noon. Na iiyak din siya at iibig kay Shine. Sa mga unang pag sundo at hatid sa kanya tinatarayan niya ito. At di niya kinikibo si Rico. Kaya naman di niya nakuhang hingin ang phone number ni Shine. Kaya sa bestfriend pa nito hiningin ang phone number ni Shine. Sabi nga ni Shine kay Rico diba ang bata ko para ligawan mo. Di ba ikaw ang maysabi noon. Bakit ngayon nililigawan mo ako ang sambit ni Shine kay Rico.

              Naging matiyaga sa panunuyo si Rico kay Shine. Kahit sino namang matimtimang birhen mapapasagot niya sa ginawa niyang panunuyo. Ipinadama ni Rico na mahal na mahal niya si Shine kaya naman lumambot din ang kanyang puso. At bumigay din siya sa pag ibig na inaalay ni Rico. Naging masaya siya sa piling ni Rico. Dahil sa kanyang pag mamahal nakalimutan niya ang kasawian niya kay Rod. Madali niyang nalimot ang binigay na kabiguan ng lalaking nag laro sa mura niyang puso. Si Rico ang nag puno ng mga puwang sa kanyang puso.

              Naging matiyaga siya sa pag hatid at sundo sa school. Kaya naman para siyang isang bata na inihahatid at sinusundo sa eskuwela. Sa pagiging regular na pag hatid sundo ni Rico napansin ito ng kanyang ama. Tinanong siya kung lumiligaw ito sa kanya sabi lang niya suki lang niya na sinasakyan kaya ganoon. Pero sa totoo mag kasntahan na sila. Ipinagtapat niya sa kanyang ina ang relasyon nila ni Rico ok lang sa kanyang ina basta di niya pinababayaan ang kanyang pag aaral.

              Naging closed sila Rico at nanay ni Shine. Dahil sa tulong ng kaniyang ate nakakuha ng isang maliit na puwesto sa palengke ang nanay niya. Kaya naman tumigil na ito sa pag bibiyahe sa malayo. Nahihirapan siyang at natatakot sa pag dararaan sa mga bundok at bangin. Naging ok naman ang naging takbo ng buhay nila kahit hirap sa pag kita ng pera kahit papaano nakakaraos sila. Tumutulong si Shine sa nanay niya sa pag titinda pag katapos niya mag aral. Bago pumasok tumutulong muna siya sa pag tititinda at sa pag labas niya sa school sa palengke na ang tuloy niya. Para tulungan ang kanyang ina. Natapos ang isang semester na ganoon ang routine niya.

              Isang araw galing siya sa pag tittinda sa palengke dinatnan niya ang kanyang ina na umiiyak. Panay tanong ni Shine bakit ito umiiyak hindi kumibo ang nanay niya. Isa sa kapatid niyang nakakabata sa kanya ang kanyang tinanong kung bakit umiiyak ang kanilang ina. Kasi daw sinaktan nanaman ng kanilang ama ang kanilang ina. Kasi daw nag seselos nanaman ang kanilang ama. Ang sabi mayroon daw lalaki si ina kasi daw gabi na kung umuwi sa pag titinda at kay agang umaalis.

              Para lang di mag selos ang ama ni Shine pinatigil na lang niya ang kanyang ina sa pag tittinda. Inako ni Shine ang dapat ang kanyang ina ang gumawa. Kahit sa school nag dadala na rin siya ng mga paninda niya para makasapat sa kanilang mag anak ang kikitain niya pero kahit anong gawin ni Shine di parin kumakasya ang kanyang kinikita sa pag tititinda. Kaya napilitan ang kanyang ina na bumalik uli sa pag titinda niya sa paleng ke. Doon na niya kinausap ang kanyang ama.

              Bakit di niya pag katiwalaan ang kanilang ina. Wala naman itong ginagawaang masama. Buti nga ito nag susumikap para mabigyan sila ng magandang kinabukasan.bakit dina lang niya tulungan ito. Hindi na nga kayo nakakatulong sa kabuhayan natin sinasaktan ninyo pa si nanay.ang sagot ng tatay niya may lalaki ang nanay mo kaya gabi na yang kung umuwi. Sinagot ni Shine ang kanyang ama na bakit di ninyo siya samahan sa palengke para malaman ninyo ang kanyang ginagawa at the same time nakakatulong pa kayo sa kabuhayan natin. Di yang puro inom at sugal ang inaatupag ninyo. Itinaas ng kanyang ama ang mga kamay nito at balak siyang sampalin. Salamat na lang at di niya itinuloy ang pag sampal sa anak.

              Halos nag hahalo na ang luha at sipon ni Shine. Habang kausap niya ang kanyang ama. Hindi niya akalain masagot niya ito ng ganoon. Pero kailangan  na niyang sabihin kung ano ang nasa kalooban niya. Kailangan magising na ang kanyang ama sa kanyang sarili. Di naman siya ganoong ama noon. Tinalikuran lang siya ng kanyang ama sa kanilang pag uusap. Naiwang si Shine na umiiyak sa pag haharap nila ng kanyang ama.                                                                                                  

              Ano na ang mag yayari sa buhay ni Shine? Hindi na ba siya tatantanan ng mga pag subok sa buhay?  Makayanan pa kaya niya ang mga dumadating sa kanya?  Hangang saan ang kaya tiisin niya? Makatapos kaya siya sa kanyang pag aaral? Anu na ang nag yari sa kanyang ate? ABANGAN!! Copyright by Rhea Hernandez 2/23/12